عذاب الغلا ومعاند الوقت والحرمان

سبب كل ما بي كان تسأل عن أحوالي

تعذبت مع حلم الفرح ملتقى الخلان

عسى . ليت. يمكن. منتظر وانت في بالي

تمادت ليال سرها ما يبي كتمان

يترجم شقاها يا هوى البال لك حالي

قتيلك يبي منك الوصل مايبي هجران

ما دام الغلا في نشوته وأنت له والي

وأنا العاشق المغرم وأنا الهايم الحيران

وأنا أعيش معك أنواع الأشواق يا الغالي

دخيلك أحبك لا تمادى مع الحرمان

تعال أنت عارف كل شيء عن أحوالي