انا مع اهل الصنف سويت مبداي
مبدا اغني به على كل غايه
كل المشارب قستها قوس برشاي
ما عاد يجهلني مع الناس شايه
انا معي راي.. وغيري معه راي
ولا كل رجال يشيخ برايه
وانا برايي عارف كل ممشاي
ادري من المنقود واقصر خطايه
الا ليا من شفت زين التخطاي
طار السحى مني وجاني بلايه
الله يبلى صاحبي مثل بلواي
اللي سليت.. وردني في عنايه
يبغى يعذبني وهو داي ودواي
لا كملت الاطباب عنده دوايه
ياما وياما يمهم رايح جاي
امشي وعيني يمهم في قفايه
ان رحت يمه كني امشي على ياي
وان جيت منه كني ارجع ورايه
راحت حياتي يمه اقبال واقفاي
شابت عيوني ما عرفت النهاية
الله ينهيها على مناي ورضاي
يا قابل الدعوات تقبل دعايه
