يا الله يا عالم خفا كل الأسرار

يا عالم سر الصدور الخفيه

تغفر لجدي وتدخله مع الأبرار

يوم القيامة في جنات عليّه

من عقب موته انطفت عندنا أنوار

والهم جانا عقب ذيك العزيه

يا نعم باللي يكرم الضيف والجار

يكرم ضيوفه لوهو في معسريه

كرم وجود وطيب ماخذ له شعار

من باب مفتوح وسفرة نديه

يفرح لسيّر له نشاما وخطار

يعطي العطايا من يمين سخيه

وأنا أحمد الله يوم لي منه آثار

ويومه على طيبه صباح وعشيه

شيخ على ربعه وللصعب صبار

كريم سبلا ما نوى بالرديه

هو مركز ما بين ربعه وهو الكار

دين ودنيا مع النفس التقيه

يقوم ليله في توالي الأسحار

ذكر وقرآن ورجوى وليّه

يبكيه ضيف مرهق بعد الأسفار

يبغى العشا ولا لقا له دعيه

ويبكي على فراقه دلاله والوجار

والمجلس اللي ما خلى من لفيّه

ويا الله يا علام يا نافعٍ ضار

تجبر عزانا في زبون الونيه

عساه في الجنة مع الرسل الأخيار

وتجزيه بالغفران عن كل سيّه