مل قلب بالهوى غرو يتله

ينزعه من وسط جوفه ثم يعيده

لا أشتهي وصله مكر فيه ووصل له

ولا نوى بجفاة قطع به وريده

يحق له أن كان قلبي سامح له

لو بغى وش ما بغى له ما يريده

الصغير اللي كساه الزين كله

لين صار الزين عبد من عبيده

آه يا حبه لذيذ ما أمله

لو خلط مر الجفا به قلت زيده

شاهد لي في هواي وشاهد له

والجوى من بيننا ناره وقيده

له بوسط الروح دولة مستقلة

ارضها والشعب والقانون بيده

كل عمري قدوته دقه وجله

راضي ومسموح ملكة لو يبيده