مرة معك مرتاح وأمرار مرتاع

وانتِ صراحة راحتي وارتياعي

ارتاح لمن الرجا فيك ماضاع

وارتاع لمن الرجا فيك ضاعي

وانت عليمة بالعزيمة والاوضاع

ياللي عرفت من سنين انطباعي

اخذي قرارك وافطني ذيك الاوجاع

رصاد في حكمك علي وداعي

تذكري من هو على بابكم جاع

ضحى وروحه باعها والمتاعي

تذكري ولف نما بين الاضلاع

اسقيته بدم الشريف الشجاعي

تذكري عقبك ترى اعيش ملتاع

واشوف كل الناس مثل الافاعي

حبي سرى في جوف دمك ولا ماع

وحبك سرى في جوف دمي وماعي

ولاني بطامع بك ولاني بطماع

بس اتغزل في عيون وساعي