قررت أسيبك وابتعد عن نواحيك

خلاص يكفيني عذابٍ جرالي

الحاضر أبا ادفنه بحطام ماضيك

وأدفن بقايا الحب تحت الرمالي

وأشيل من فكري خيالك وطاريك

واعيش في دنياي داله وسالي

موج الرجا ياما ارتطم في شواطيك

لاشك يلطم في صخور وجبالي

واليوم يالغدار ماابيك.. ما ابيك

والله لو ما غيرك أحدٍ بقالي

نفسي عزيزة ما تنزّل لواطيك

وكرامتي عندي لها قدر عالي

رح في طريقك جعل ربي يجازيك

ذي غلطتي واستاهل اللي جرالي