أدري إنك تهرب.. كن ودك تغيب
تنتظر فرصةٍ تسنح وتبدا بها
أدري إنك تداريني بكلمة حبيب
والمحبة تحاول تقفل أبوابها
وكل ما جيت أبا افتح لك ملف عجيب
قلت لي العين ماتعلا على حجابها
أعرفك زين من ياسٍ بعيني رقيب
وكل روحٍ تحس بنية أحبابها
أتحرى جروحي في النهار المشيب
لحظةٍ ما أنتظرها.. وأحسب حسابها
تظهر الشمس لي فيها بكف المغيب
وتدفن أحلام قلبي قبل يحظى بها
ويحرق أوراق عمري جمر صمتٍ رهيب
دون حيلٍ ولا قوة على غيابها
والغريب الغريب إني لها مستجيب
لو ما ادري عن الدافع ورا أسبابها
من متى صاب حظي يوم.. حتى يخيب
قصتي مع سواد الحزن يحكى بها
