ودي وحال البين من دون خلي
متفرقٍ شمل الحبائب والأوطان
ودي لكن مواصله ما حصل لي
حسبي على الفرقاء وتقسيم الأضعان
يا نجم ياللي فوق داره مطلي
بلغ سلامي عد هتان الأمزان
النفس عيت من رجاهم تملي
مثل السجين بحب مكحول الأعيان
تدفعني الأشواق واهيم كلي
حبه ملكني والهوى دوم سلطان
لزارني طيفه وأنا في محلي
يرسم لي الصوره لها اشكال والوان
واقوم فرحانٍ بطيفه واهلي
ثم عادت الفرحه بعد طيفه اشجان
له منزلٍ بين الضلوع متعلي
فوق العذارى بالغلاء سر واعلان
وغيره جميع الزين جعله يولي
عندي وكلٍ له مع الناس خلان
ويا ناس مجروح الهوى لو يزلي
ما ينتهي لو قالوا الناس غلطان
واختامها مني سلامي واصلي
على النبي الهاشمي نسل عدنان
