نعشق يبو خالد سلوم البداوه
ونذكّر اللي جاهلن فيه تذكير
حيث ان للذكرى عليهم طراوه
مضى الزمان و ماتفيد التعابير
مضى الزمن.. ولكل ماضي حلاوه
والعمر ساعه والليالي تدابير
وانا خذون البدو معهم عناوه
من يوم باشرت «بضريّه» على خير
وعاشرتهم على الرخا والقساوه
ماشفت فيهم يشهد الله تقصير
ياما لقينا عندهم من حفاوه
وطيب الحديث وفرحة بالمسايير
لاجا الربيع وفاح ريح النداوه
وهب النسيم و عطّر الجو تعطير
وانشت من القبله تحجب الفضاوه
وهلت مطرها وازهرن المخاضير
بذيك الدعوب اللي هواها نقاوه
وهاك السهول اللي زهرها بواكير
وانا حياة البدو عندي مناوه
احبها واصبّر النفس تصبير
لو هي مع المده تزيد الغلاوه
والشوق يكبر وانتظر للتياسير
