ياوردة سنيني قضا الصبر وين انت؟

وين انت ياغالي؟ ترى البعد طالي

ياوردة سنيني بقلبي تمكنت

علاّك قلبي وانت بالزين عالي

عز الله انك في ظلامي تبينت

يالابس بالحسن تاج الجمالي

من يوم يالغالي بجرحي تفننت

اشتقت لك والمر ماهو بحالي

لاهنت يا اعز المخاليق لاهنت

لاهنت واصلني بدرب الوصالي

من يوم شفتك ياحبيبي تيقنت

ان الفضا بدونك من الزين خالي

ابدي وداك الحب من وين ماكنت

لو كنت مبعد ماتناساك بالي

شوفك دواء جرحي وجرحي تراه انت

وانا بك المجروح والجرح غالي