الله من قلبٍ شقى ماتهنَّا

تلعب به الدنيا مثل زهرة النرد

أحدٍ بهالدنيا أخذ ما تمنى

واحْدٍ عن حظوظ الهنا تطرده طرد

أحْدٍ يعد فصولها ويتأنَّا

واحدٍ تساوى الصيف عنده مع البرد

ايدٍ يجيها الورد وايدٍ تعنَّى

الشوك ياكلها قبل تاصل الورد

لكن ترى مابه احد مرجهنّا

واحوالها معروفةٍ ما تبي سَرْد

قانونها واحد على الكل منَّا

لابس جديد الثوب واللي لبس جرد

يارب تكفيني تقلِّب زمنَّا

ذي طلبتي لك دوم يالواحد الفرد