ليل الشقا وانت الشقا فيك يا ليل

ما شفت حالي فيك يا ليل مهموم

ودي تحس بلوعة الهم والويل

حتى تجاوبني الى صحت مظلوم

ما شوف لك في خاطري منك تبديل

جرحي عطيب وحاربت عيني النوم

يكفي عذاب النفس هدت لي الحيل

كن العذاب بدنيتي دوم مقسوم

ما بيك مع وقتي ترى القلب ما يشيل

جرح ورا جرح ويوم باثر يوم

أبي لحياتي يا هوى البال تعديل

مليت وضاعت كل الاحلام محروم

عشت الهوى وانا احسب انه تساهيل

واثر الشقا في دربك اليوم مرسوم