يا ليل يا اللي كل هم تجيبه
في ظلمتك وحشة ولا منك مصلوح
لونك سواد ولا ضهر فيك شيبه
جرحت خلق الله ولا انته بمجروح
انا حياتي مع حياتك غريبة
أبوح لك باسرار ما تعلن البوح
شكيت حالي من جروح عطيبة
ناديت لك يا ليل والصوت مبحوح
أشكي عليك وزاد جرحي لهيبه
يا ليل معك أعيش بأوهام وجروح
حظي بها الدنيا سوادك نصيبه
لو سامحك غيري فلا انته بمسموح
حنا علاقتنا علاقة عجيبة
علاقة دايم لها الصدر مشروح
متى تحوّل ها العلاقة لطيبة
ثم تصبح الدنيا علاقات ومزوح
واخذ منه نور القمر واهتني به
ووادع هموم السهر واترك النوح
وارتاح في نومي بعد طول غيبه
وارافقك يا ليل واقول مسموح
