استلمني سوالف واستلمني علوم
كلي اذان تسمع للكلام الجميل
طمن اللي يحبك شد فيه العزوم
ريحه من عذابه لا تطري الرحيل
جيت يمي وعلك باقي اليوم دوم
ما أريد يتكرر ها الغياب الطويل
جيت يمي ما أصدق هل أعيش بحلوم؟
أو حقايق بعيني فالمشاهد دليل
كيف حالي سألت وأيش باقي العلوم
الصراحة بأني ما استرحت الغليل
من يقول الحقيقة ما عليه أي لوم
من نطق بالصراحه لا تحسبه هبيل
كم واحد لسره ما يعلم كتوم
آه عن من يحبه بالصراحه بخيل
لأقرب الناس يسكت ما يجيب العلوم
ذاك أنا أقول بأنه في زمانه هبيل
صارح اللي يودك وأخبره بالهموم
اشرح اللي بصدرك واشرحة للخليل
خل صاحبك يدري عند وقت اللزوم
عن معاناة نفسك في هواه الجميل
