كلي عقب فرقاك يا خلي جروح
كل ما يزول الجرح جانا بداله
نفس يعذبها البعد كلها نوح
مات الرجا والحب عزي لحاله
ما ينفع الخافي عقب فوتة البوح
راع الهوى ما يوم وقته صفاله
عزاه يا قلب من الناس مجروح
ما له صديق غير همه شكاله
عذبت قلب من هوى الحب مفضوح
غاب الفرح ماعاد شي بقاله
روح على شوفك به الشوق مشفوح
لا غبت عني دمعة العين ساله
أشكي وصوتي من عنى البعد مبحوح
خلًّ هواه القلب حلو خصاله
ما لي بحبك يا هوى البال مصلوح
غير الشقا والهم قلبي عنا له
اجتاحني حبك يا سيدي جوح
صرت الجريح معذب الهم حاله
نفرح بشوفك ما لنا عنكم روح
حبك مثال للشرف والأصاله
يا صاحبي يا سيدي يا هوى الروح
بكتب مع الاشواق يمك رساله
أنت الحلى والزين يا شوق مملوح
خل الهجر صعب علي احتماله
