راعي الهوى لو ما شكى بعد الاحباب
يا عنك مال اللي بقلبه ستاير
العلم في جرح له شهور ما طاب
بلاي من جرح الهوى بالضماير
لولاي اسج الرجل مع كل مرقاب
يمدي طوت حالي كفوف العثاير
لا يا زماني ويش عثرات الاسباب
اثرك مع عجف المقادير داير
بلاي يوم ان الغضي شال الاطناب
واقفت ضعونه واودع الفكر حاير
اشمل شمال وحمل القلب الاتعاب
وهل الهلال ولا لفى منه زاير
الخوف كان انه نوى طولة غياب
والا تصاريف المكاتيب جاير
وانا على الجنبين ليلي تقلاب
وابدي على برق النجوم السراير
لعلها تخبر هوى الروح ما صاب
وتعلمه حال عن الناس ذاير
