صوت العتابا نرفعه فوق موال
ونشيلها عرضه مع اللي يغنون
هذا الجنوب وعاد يادار الأبطال
سطرت به مجد على ساير الكون
يحق لك تفخر على الكل تختال
يا مشعل فينا تباريح وشجون
مبروك يا لبنان تحقيق الآمال
بكفوفنا نقدم لك الدعم والعون
حررتها والظلم من ارضنا زال
واغلى من التحرير وش يمكن يكون
عشرين عام والعرب تشكي الحال
ترجي حبيب شاقها قلب وعيون
تصبر على فعل العدو شين الافعال
الغاصب اللي بقدرة الرب ملعون
يستاهلك دمع اليتامى والاطفال
يا موطن العشاق ساكن ومسكون
يستاهلك شبل نطقها على الجال
نال الشهادة مخلص لك وممنون
امه تصوغ من الفرح حلو الامثال
بجنازته تلقى الجماعة يهنون
لبنان بشر شعبك بطيب الفال
مستقبلك بالعز والخير مضمون
برجالك اللي حققوا حلم الاجيال
مع ذكرهم ريح البطولات مقرون
عهد بقى فيهم على رغم الأهوال
باسباب حب بالمعاليق مكنون
الله اكبر فندت زيف الاقوال
ميثاقها يعلى على كل قانون
لله درك يا صدى صوت الاشبال
وسوس بهم لين غرقوا هم وظنون
صور لهم شوف المنايا بالازوال
وجنودهم صاروا من الخوف يبكون
مثل الدبش قفوا يجرون الاذيال
هزيمة يفخر بها كل دندون
مشاهد تشرح لنا الصدر والبال
شوف اليهودي يرحل اليوم مغبون
دارت على صهيون وأعوان الانذال
لا وا حلاها طردة الكلب صهيون
