يانجمة الصبح ميدان السما العالي
لاحل موعدك فلن كل نجماته
ماتن من الغيظ والغيره يورالي
حتى الفلك ضاق فيهن وسع ساحاته
ياغايتي ذيك وش ذنبي وغربالي
غير الهوى العف و اجراحه وطعناته
خلي السما ذاك واسترمي على جالي
انا البحر كان هبتي من محاكاته
ناديني بهمس من شطي الى التالي
اجي لك الموج في شيله وحطاته
وشعي لي اشعاع يشعل صدري اشعالي
واعكس لك اشعار مرجاني ولمعاته
وحاكي المحارات واللولو وكل غالي
وانثر لك اياه مع جزري ومداته
يازينة الخود من دونك وش احوالي
عمري لك كتاب وانتي حبر صفحاته
افنيت الايام وامالي هي امالي
اراقب الحلم وعيوني بخطواته
يانجمة الصبح خوذي صادق اقوالي
لو طول الهرج هذا كل مغزاته
الموت ميقاف منهاجي وترحالي
وإن مات هالحلم موتي شي من ذاته
