مريت دربك كنت اجي فيه وياك

درب جرا لي به مواعيد وايام

درب مشيته ماتجنبت الاشواك

من لوعتي ماعاد حنيت الاقدام

وعادت بي اللحظة الى طيف ذكراك

واهتز قلب مانسى ذيك الاعوام

معاد جاء في عيني الا.. امحياك

ترى المولع مايحاسب الى هام

ذكرت مشية خطوتك عند ممشاك

وعين كحلها سيف يحكم بالاعدام

ان قلت مايسوى العمر شي ببلاك

تقول ذا شي عرفته.. من العام

ياوجد روحي يا الدليمي على ذاك

لو شفت زوله قلت لي ما انت منلام

والله ما اشكي الحال مير ان شرواك

في ساعة الشدة يجي ستر وحزام