يا قلب حذرا لا تزعل مصافيك

هذاك لجل ارضاه كرس جهودك

ولامن بدا شخص يودك ويغليك

على الغلا ملزوم تحسن ردودك

واترك هل الشينات واللي تعاديك

وجنب عن الرديان واعلن صدودك

ولا تنخدع فالناس ربي يعافيك

ما كل ناس مير تفرح ابزودك

الله من ناس تريد البلا فيك

ولو بان ضحك اسنونها في وجودك

كم واحد ما هو يحبك ويبغيك

يبغي نزولك ما يداني صعودك

يجمل اهروجه ونفسه يدهويك

يريد لدروب المهالك يقودك

وقت الشدايد لا بغيته يخليك

ولو آلمتك صخونة ما يعودك

مع الردي ما هيب تنفع حسانيك

تحسب ان يقناه طيبك وجودك