سلام الله عدد سود الليالي وبيض الأيامي

على فيصل ولد خالد من أولها لتاليها

وصل فضله ومعروفه من الهند ليا الشامي

على الاجناب والاصحاب قاصيها ودانيها

هلا يا مرحبا بك بالنيابة والهدف سامي

الحنها واهجرسها وارددها واغنيها

اشوف النور قدامي واشوف النجم قدامي

وانا اقول الثقيلة مالها يا كود راعيها

عسى عيدك تعوده يا ولد خالد مية عامي

واقول وطلبة الله تازن الدنيا وما فيها

نبي نبدا السوالف والسوالف سوقها حامي

وطيب السالفة من طيب رجال بدافيها

آمين الله يدوم وجودهم حكام الاسلامي

جبال كل ما هب الهوا تذري مذاريها

تهيض يا أحمد الناصر وقد الخام بالخامي

ليا شبيت نارك يعلم الله ما نطفيها

حلمت البارحة حلم عساك تفسر احلامي

حلمت ان الجبال ازوال تمشي فوق رجليها

يباريهم ثمان عيال ذا جايع وذا ظامي

ولا تاكل ولا تشرب ولا ادري ويش محييها

صدق حلمك وانا شلت الرصاص الحر بحزامي

والا حققتها بالعين زانت لي مراميها

اثر فرعون يوم انه بنى له في مصر الاهرامي

يسوي له سوايا ماحد غيره يسويها

اظن الصحف طويت وجفت كل الاقلامي

عسى ربي يعود فالمياه الى مجاريها

أحد يحكم بحكم أبيض واحد في حكم الاعدامي

واحد ما يفهم الواجب واحد ياخذ ويعطيها

انا وانته وردنا الجمه اللي تروي الظامي

ولا يمديك تذبحها ولا يمديك تحييها

اختيار/ ناصر بن إبراهيم العريج