لاصار رايك مايدلك مع الناس

خذ شور من رايه مع الناس دلّه

رايٍ يدلك شاربه طيب الساس

يحماك بعد الله.. عن كل زلّه

كل شي.. في دنياك يبنى على ساس

وش لك بغصٍ ما يظللك ظلّه

ما يقنص القنّاص من غير عسّاس

يعرف مكانه.. عرف دقه.. وجلّه

من خالف العسّاس يبشر بالافلاس

تزود فوق الطين يمناه بلّه

قال المثل: ماهوب حبرٍ بقرطاس

اللي بغى كله.. يخليله كلّه

رفيقك اللي يوم دست الخطر داس

شرواه في هالوقت معروف قلّه

وانا مثل غيري.. لي شعور واحساس

مابيع عز النفس واشري المذلّه