الظاهر إني منك ابفقد صوابي

ما دامني مدري وش اسباب صدك

يا معذبي يكفي من الهم ما بي

مقهور قلبي.. من تعديت حدك

من جور ظلمك صار حكمك غيابي

غريبة كذبة عذول تهدك

ليتك تعاتبني.. وتسمع جوابي

تلقى بنبض القلب صدق يشدك

وشلون ما تدري!! وكل درى بي

الشوق بيّن يا هوى الروح ودّك

مخلص ووافي.. والوفا لك سما بي

اذكر خفوق دوم بالحب مدّك

دام القدر في بحر حبك رمى بي

انسى عناد عن رضانا يردّك

وجدي على شوفة عيونك عذابي

والحل يا بهجة حياتي بيدّك