خيّم عليّ الحزن وين أنت يازين

بعدك عن العينين سبب سهرها

والكبد شبت من عنا الهم والبين

والحال نشت والجفا اللي دمرها

أصيح بأعلى الصوت وين المحبين

وين الحبيب اللي لروحي جبرها

يا ما سهرت أيام وشهور وسنين

وان طالت المدة لحالي قبرها

مالي بغيره في جميع المزايين

هو منيتي هو غايتي هو قمرها

لك صورةٍ يازين في داخل العين

أشوفها بالنوم وآخذ خبرها

طيفك معذبني وله فوق عامين

يسرق حلى نومي ويجلب كدرها

لا والذي نزل تبارك وياسين

منساك لو روحي وصلها قدرها