باسم الذي كون سحاب وبروقي

الواحد المعبود عالم خفى الناس

واللي خلق في الجسم دم وعروقي

من قاعدة الاقدام إلى عظمة الراس

أبدي بذكره لأجل دمّي يروقي

وأعوذ به من كل وسواس خناس

من بعدها ياكل شخص خلوقي

خلك معي واسمع نصائح لها أساس

الاوله لا يوم تصبح حموقي

وتحمّل الزله ولا تصير حسّاس

والثانية أبعد عن اللي سروقي

يسرقك لو من دونك ألفين حرّاس

والثالثه خلك حسين النطوقي

ولا تقول إلا كلام بمقياس

والرابعه في الخير خلك سبوقي

واحذر من أهل الكبرياء والتغطراس

والخامسه خلك صحيح صدوقي

ولا تعَرَض دائم درب الادناس

وهذي نصائح كل أبوها تلوقي

باللي مكانه عالي بين الاجناس