دار الخيال وحل بالفكر هوجاس

يستدرج الاحداث قاصي ودانيه

يسأل دليل المعرفه عن ها الماس

اللي مراكبهم رست في موانيه

ساقه من الواقع مفاهيم وحساس

وسلوب نهجٍ يستديم بمعانيه

الذاهبه عند العرب مطلب الياس

ولا العجم عرفت طريقة مجانيه

الخطوه اللي ماتقدمك تنداس

لاصار غربك ما تشيله سوانيه

أصبر وتالي الصبر يذكر به الباس

ونكان حبل الصبر عدا مبانيه

درب الخطر عند المراجل ونوماس

راعيه يمشي والخبر في محانيه

ماهمته دنياه لاغاص ماقاس

إما يموت او هو يحقق امانيه