اسمع يامن لك راس وعيون وحساس
تكفى طريقك لاتضيع.. مسيره
ترى البشر فيهم معاتيه.. وخساس
وفيهم من اللي ينقلك.. للضريره
ورجل على شذب العراقيب له ساس
ياسرع ماتاتيك منه.. المغيره
مقيولة من عصر داوود والياس
ولا ضيّع البرهان روس كثيره
والفالح اللي مامشى درب الانجاس
ولا شقا الا بالعلوم السفيره
هذاك هو اللي كسب كل.. نوماس
ويستاهل التقدير في كل.. ديره
والا الردي ماله مع الطيب مجلاس
ودك تحذفه وسط غبّات بيره
لاصار لا نافع ولا عنده اوناس
الا العلوم الجارحات.. الخطيره
ذكرى ندونها على سطور قرطاس
لعل ياخذها صديقي ذخيره
ولعل ياخذها كثير من الناس
ويهدي بها الرحمن صافي السريره
