أحس في نبضات قلبي حياتي
لاشك نبض القلب ماهوب مرتاح
واشرب من الماء لين يروي ضماتي
أطفي بشربه لاهباً دوم فواح
وامشي بروحي وسط دنيا الهفاتي
أمشي وتطوي باقي العمر براح
واجلس وابهر دلة من طراتي
بن يطير عمس عيني بالارياح
وارجع بفكري للقديم الفواتي
واذكر ليالاً مرها الوقت بفراح
وراقب الأفلاك حزة مباتي
هذي نجوما شافها قبلي أرواح
راحوا وخلوا زيفها والحتاتي
عاشوا وماتوا كنهم بارقا لاح
دنياك تبرم مثل برم الرحاتي
تبرم وتطحن طحنها ما به مزاح
يقطعك يا دنيا أشوفك غثاتي
حيثك علينا كل يوما لك أجراح
واختم كلامي ياعرب بالصلاتي
على نبي صار للحق وضاح
ناصر عبدالله المقحم السهلي
