مرت البارح على بالي افكار وطواري
جيت اجمّعها وعيت تجمّع في يديّه
كيف ألمّ احساسي اللي تبعثره الذواري
وازرع أزهار الوفافي القلوب الجرهدية؟!!
كم لي اداعب حروفي ومليت انتظاري
تايه بين القلم والحروف الابجدية
اشتكي من ظلم ليلي ومن قسوة نهاري
المسا بارد ولافي هجير الشمس فيه
من شقاي اصبحت كني غريب في دياري
ياوجودي وجد من خاب ظنه في خويه
ليت لي نور يقاوم دياجير الغداري
لكن الله يعلم الحال والنيه مطيه
ما املك الا الشعر والصدق في الدنيا شعاري
ابدوي جا يسوق الغلا من طيب نيّه
وسمع من ينخاه: ياللي بفعل الطيب ضاري
قال: جتك اغلى المشاعر واحاسيسي هديه
يكفي النشّاد عن حالتي بعض المواري
شاب صبري والزمن طعنته باقي صبية!!!
انتخي بك يا قصيدي متى تاخذ بثاري؟!!
افزع لشاعرك مادام في عمره بقيه
ما تراجع في دروب الجمايل عن قراري
اطلب العليا ولو كان في كف المنيه
ودي بعلمٍ يجمّل وافاخر به واماري
او سكوتي هيبة لي وعز ومقدريه
