يامشاعر ضايعة مثل الخيال

يا عواطف مالها برق ورعود

العواصف والسوافي والرمال

داهمتها وامسحتها من الوجود

بالتباهي والتجافي والمحال

والغرور اللي على طبعه يسود

يحسب ان الحب ضحكة وانفعال

والحقيقة بيني وبينه حدود

شي واضح ما يبي منه جدال

كم على نفسه حلف لي بالعهود

لا صدوق ولا وفي ولا احتمال

مبتعد بالحيل عن سلم الجدود

فرق شاسع بالمبادي والحوال

ويش يجيب الشوك لأنواع الورود