مليت من كذبك وخاب الرجاء فيك

عذر ورا عذر أشوفك تجيبه

يكفي تعب يكفي شقى في رجاويك

تكفي جروحٍ علته من طبيبه

يوم ان قلبي مخلص لك ويغليك

اثرك تسلي بالهوا تلتهي به

حطيت قلبي يالغضي بين أياديك

مصيبة جرّت وراها مصيبة

شخص تبيعه بالغدر كان شاريك

لابد ما ينباع قلبك غصيبة

هجرك وصدك مع لياليك تغويك

دربٍ مشيته بالغدر تنتهي به

وقت مضى والعين ماظن تبكيك

وما ظني اذرف دمعة مستصيبة

خلك بعيد وعفتك اليوم ما بيك

فيك انخدع قلبي وهذا نصيبه

هذي سواتك والله اللي يجازيك

هذي سواتك والمصيبة )غريبة(