عزالله انه راح عنَّا فقيده

وعزالله أن الموت أخذ شيخ وانسان

شيخٍ جمع كل الصفات الحميده

فيه التقى حب التواضع والإحسان

من مدرسة سلمان كوَّن رصيده

يمناً تجود .. وخاطراً يوم ماشان

وقلبٍ بحب الخير ينبض وريده

ياماجبر كسر ودفن ظيم .. وأحزان

صفحات جودٍ كل يومٍ جديده

تشرق بطيب افعولها سرّ واعلان

بقلوبنا باقي وذكره يعيده

طيبٍ يخلّد سيرته طول الأزمان

فقده علينا اليوم صدمة شديده

لون مشاعرنا الحزن قلب ولسان

حزنٍ على راعي الفعول المجيده

وحزنٍ على انه من سلايل كحيلان

مير العزاء بالله وحنَّا عبيده

راضين في ماقدَّره عالي الشان

الكل يدعي رافع اليوم إيده

يحسن عزا سلمان وعيال سلمان