كان القصايد يوم نكتب قصايد

عن سيدي سلمان تجلى الهموم

والله لا أكتب لين تفنى البدايد

عداد ما تظهر عليه النجومي

ياسيدي سلمان قهر الشدايد

الله يعوضك في سليل القرومي

فقيدك المرحوم بالطيب كايد

مثلك سمى يالطيب في كل يومي

يمناه للمحتاج غيث ومدايد

للجود يسهر والخلايق تنومي

فهد ولد سلمان والجد قايد

لو غاب جسمه ذكر طيبه يدومي

تبكي عقب فقده شعوب وبدايد

والموت سنة للخلايق عمومي

عساه للجنة بيوم الوعايد

يوم الخلايق لمحشرها تقومي