حائل وأهلها والجبال ونفوده
تجود باخلاص التعازي لسلمان
بفراق اميرٍ ما نسينا وجوده
لو هو رحل معنا على طول الأزمان
أمير ما ينسون الاجواد جوده
رمز الكرم رمز الوفاء رمز الاحسان
الناس كل الناس كله شهوده
على جميع الناس حضرٍ وبدوان
وعلى المروءة والشهامة عهوده
المرجلة مبداه والعطف عنوان
فهد فعاله بالفعال محموده
فعايل الطيب على الطيب برهان
المملكة تبكيه جوّه ونوده
من حائل لجده للاحساء ونجران
عسى بقبره ما تضكّه لحوده
وعند الولي يجزى برحمه وغفران
أقولها عن كل ناس إكبوده
عليه ما يبري لها جرح واحزان
على فقيدٍ من نوادر فهوده
من دولةٍ عدله على وزن ميزان
من دولةٍ فهد أبو فيصل يقوده
رجل السياسة والشجاعة كحيلان
أعداه صاروا بالوغي من جنوده
والظالم القاسي بلا طاعته لان
مليك كل الشعب يشكر جهوده
وحقه علينا إظهار شكرٍ وعرفان
بعدل آل سعود الشعب باسعد سعوده
خير ورخاء وأمن وكرامه وبنيان
والتعزيه من كل مخلص وروده
لاميرنا سلمان ونعزي اخوان
ونخص مليك البلاد وعموده
فهد وابو متعب عضيده وسلطان
