والله فجيعة يوم قالوا فهد مات
يوم الخبر بكل الوسايل لنا بان
جته الليالي في قدرها سريعات
وعم الحزن في غيبته كل الأوطان
فجيعته تحمل لنا حزن وآهات
يا كبرها هزّت بشيبٍ وشبّان
مرحوم يا امير جبر كل عسرات
يا شيخ يابن الشيخ ياذرب الايمان
مرحوم يا مبري جروحٍ عطيبات
كمٍ ضعيف بعطفكم حس بآمان
لك بالوفا والطيب يا امير فزعات
من فقدكم يا امير يبكون يتمان
يمشي بدرب الخير ما همّه الذات
مرحوم يا امير سعى ببر واحسان
وكل الأرامل والمعاقين بسكات
ينعونكم يا اميرنا طير حوران
يابن الامير اللي يشيل المهمات
ابو فهد مشهور وبالطيب سلمان
لك العزا يا سيدي بالملمات
عسى فهد مثواه جنات رضوان
وأعمام سطر مجدهم بالسجلات
تاريخهم حافل على مر الازمان
ولامك ولاخوانك ولاختك وعمات
ومني العزا أخص به أم سلطان
وعزاي لك سلطان واحمد بعبرات
وسارة وريما بالصبر خير نيشان
وعساه في عالي المراتب بجنات
مع النبي المصطفى عالي الشان
