بلغني خبر موتك وفاضت مشاعري
وسهيت ورسمت التعزية رسم شاعري
والشعر مالي به ولا هوب صنعتي
كسير يبي عبدالله ابن عون جابري
ومثل ابن نايف من اللي دروبهم
عليها القوافل ساندات وحوادري
انا واحد من ناس امرك يهمهم
يحبونكم عن كابر عقب كابري
رجال تدين لمركز الحكم بالولا
بعد طاعة المعبود والكل خابري
وبعد ذا بعزي في فهد لابة الفهد
حصون البلاد وعامرين المنابري
حكامنا رمز الوفا راس مالنا
لانسان وجه الكون والجو غابري
زحول الرجال اللي تزبن دخيلها
عز الصديق وذل خصم مكابري
واعزي حليف الجود سلمان سيدي
وعلى الصبر يجزي ربنا كل صابري
وختامها مني عسى الله يرحمك
عدد من على البيدا ومن في المقابري
