يا الله يلي عالماً كل ما كان
الواحد المعبود رافع عمدها
طالبك تجبر بالعزا صاحب الشان
المملكة والعاصمة هي جسدها
بفقيدها الراحل نسل طير حوران
من روس حكامٍ قديمٍ مددها
أبو فهد يا صاحب المجد سلمان
نعزيك يا أمير البلاد وسعدها
وكل العرب ترفع عزاها بالإيمان
لخادم حرم دار العروبه سندها
تعزيك بالراحل سلايل كحيلان
واتعزي الأسرة بكامل عددها
مرحوم يلي قدم المد بحسان
بالآخرة حسناه ينور لحدها
يشهد على ما قلت بالمد برهان
كف الصخا يمناه كلٍ حمدها
بيض الصحايف سجلت رمز الأذهان
من كل هيبات الأماكن وردها
على الفقيد اللي رحل أبو سلطان
عساه بجناتٍ تجارا بردها
حطوا على قبره علامه وعنوان
دار الصخاء عنوان للي بعدها
وختامها مني تحية لسلمان
تحيةٍ تفرض محبة عهدها
