وش جاك مني يا أريش العين صديت

وش جاك مني لا تزود عذابي

ملكت قلبي .. بالخفوق استحليت

لك منزل ضيعت لاجله شبابي

أعلنت لك حبي واشوفك توليت

ناوي تكبر واكذب الظن صابي

ناوي تكبر والا عني تخليت

والا خفوقك عقب الاعلان طابي

غالي ولكن في غرورك تماديت

اما اعتدل والا فعندك جوابي

اما اعتدل والا فحبك كما الميت

يروح من دنياي مثل السرابي

ما أرجيك ما أرجي الحب كانك تعاليت

منشاك يا ابن آدم تراه الترابي