أبشر ترى فرقاك مهي بعيده

وإذا تبي من اليوم حنا انتهينا

منهو مثل حبك انا ما اريده

لو أني أعيش العمر كله حزينا

كل يوم طالع لي بسيره جديده

وتصدق العاذل بما قال فينا

ضحك عليك النذل ودبر مكيده

وخلاك هافي الأصل تزعل علينا

ما دمت طعته وصرت خاتم بإيده

فراقنا تراه لازم يحينا

خلك قوي ياقلب مثل الحديده

ما دامنا بغدر الحبيب ابتلينا

اللي مضى ما ظن نقدر نعيده

ونبغى نهايتنا مثل ما ابتدينا