لا تكاثر جيّتي يا نظر عيني
الله اللي جابني لك وعنّاني
ماشيٍ درب مشوه المحبيني
بالمودة راجح لك بميزاني
أحسب إني مثل ما أغليك تغليني
ما دريت انك عدوٍ وقوماني
واثر لك يا متلف الروح قلبيني
قلب يبغضني وقلب يتمناني
كم هنوف عند أهلها تمنيني
دزّت المرسول كله على شاني
تحسب إن الله قطوعٍ يخليني
ربي المعبود.. ما عاد ينساني
وتحسب إنك يوم قضيت كاويني
يوم تكفى الحوض في وجه ظمياني
سيد الخفرات ما توفي الدينِ
خنتني من غير حق وبرهانِ
الجفا من بيننا موقفه شيني
من فعل خير.. يجازا بالاحسانِ
خوفي الله لا تصيرين لا ثنيني
صفي النيه وصيري لوحداني
يا حبيبي اسقني لا تخليني
لو أموت من الضما ماحد أسقاني
