باذل الود.. يا نفسي خطا تجرحينه

قدرّي لوعة اللي دون شوفك.. يضيعي

ومضة الشوق تلقاها بنظرات عينه

وعزف الالفاظ.. كوّن لك كلامٍ بديعي

يا ديار الفرح من يسكنك تملكينه

له تكونين شيٍ في حياته طبيعي

خلي الحزن يا نفسي تهزك يمينه

عزةٍ تبتسم فيها ورود الربيعي

وننثر الحرف من وجدٍ تعلا انينه

في مساحات تطرب فالزمان الفظيعي

نكتب الجرح يوم الوقت قيّد يدينه

نكتبه.. حيث حرّك خافقٍ ما يطيعي

من يصدق أصير لعين مثله رهينه؟

يتكلم ..واجاوب.. ونتلعثم جميعي!!