يامستفز الشعور بغافي احساسي

أحلامي الميّته ما اظن تحييها

خلاص يا صاحبي بعد انكسر كاسي

جمعة شظاياه من يقدر يسوّيها

تظما له الكبد واسقيها من الياسي

تموت و إلا قناعتها تكفيها

قسيت مثل الزمن فالموقف القاسي

والكيّ مستعصي العله يداويها

تهبّ ذكرى غلاه بليل هوجاسي

واغيب عن واقعي من خوف ألاقيها

ويستوطن الذاكره واقول له ناسي

حتى دموع الفرح والحزن ناسيها

وإن حشرجت بالحقيقه لهفة أنفاسي

هو موت الأحلام يعني موت راعيها