قلب شكى ما له أحد مجيب

يا عنك من قل توفيقه

شكواه لله عليم الغيب

ما هي لأحد من مخاليقه

راع المحبة لقى التعذيب

ومن الهوى يابسٍ ريقه

يسهر يالين النجوم تغيب

ويجاهد الهم والضيقة

مجروح والجرح كيف يطيب

وجرح المحبة من يطيقه

أنا أدري الحب ما به عيب

العيب نقضة مواثيقه

لا شك سهمه تراه يصيب

والقلب يجرح معاليقه

كلام ما فيه شك وريب

عندي دليله وتوثيقه

ومن جرب يفيده التجريب

والقاف تمت طواريقه