جاك علم.. وراح علم.. وجد علم.. وشخص ثاني
ناقلٍ .. علمٍ .. جديد وجايب معه المصيبه
تحسب إنه يوم جاب العلم جاب لك المعاني
شايل علم السفيه وناقلٍ للناس عيبه
المجالس بينها عزاف عودٍ للأغاني
يعزفون الهرج لين القلب .. يعزف .. عن حبيبه
من هرج لك في رفيقٍ راح عنك لذاك عاني
وقال: له قولٍ يقول : انك تقول .. وشق جيبه
ان صغيت السمع تسمع ما يجرح فالاذاني
وان خذيت القول.. شب القول.. في قلبك لهيبه
كم كواك.. بهالزمن من ..قول.. كم..وكم.. كواني
دوك.. ربعك وين راحوا بين نم وبين غيبه
العمر .. معدود .. يافهمان .. من عد.. الثواني
اطرد النمام عن دارك ولا تحسب لطيبه
اترك النمام .. خله .. لو يحط .. لك الصواني
النجاسه ما بها غير النجاسة يالبيبه
