ياهل الهواء هو حالكم مثل حالي

وقلوبكم هي تالي الليل ترتاح

هو صابكم يا ناس مثلي اهبالي

هو جالكم كثرة هواجيس وصياح

أنا عجزت اصبر على اللي جرالي

من عام الأول بين مسراي ومسراح

أطرد سراب ماله أول وتالي

مثل الهبيل اللي على خف وجناح

ما يعرف ألا بس روح وتعالي

ما له ولي بين المخاليق جماح

سبتك يالمجمول زين الدلالي

يا للي رموشك كنها شلف ورماح

ربي عطاك من البهاء والجمالي

مير أرحم اللي في بحر حبكم طاح

بين الرجاء والياس وعزتالي

أصبحت من بين العذابين طفاح

علقت قلبي فيك واشغلت بالي

وحبك حداء ألا مرين هابل وذباح