ليلت دنيا الغرام وطال ليل المهتوي

خاض حربه بين همّ ونار شوقٍ زايده

السهر حظ العيون اللي هدبها منكوي

بالدموع اللي لفن من فوح كبدٍ جايده

أحسب أن ابن آدم اليا حب جسمه يرتوي

ما دريت ان الهوى ل... اهله عديم الفايده

القلم زار الكتابة وابجديات الخوي

عانق الدفتر وميّل للحروف الكايده

يا فوادي لا تلوي باسفل اضلاعي لوي

لولك عروق من اسباب المفارق بايده

يا دمع لا تنزوي ما بين جفنيني زوي

لا تبين للملأ عشق خفوقي صايده

طي حالي من سبب فرقاك ياالغالي طوي

ثوب خامٍ لفه الدلال للي رايده

أو وجودي من جفا الدنيا توجّاد بدوي

إهجدوه ضيوف لا مشرب ولا به مايده

كود مركوبٍ نثر دمه وخيل الله قوي

يا ضيوف الله ترى الارواح للّه عايده

صوت خفاقي غدا رجف وتناهيد ودوي

كنّ في جوفي نسى الوقاد جمره قايده

يا طويل العنق والقامة وليل فوضوي

قل ثلاث اشياء عن البيت الغرامي ذايده

قل متى ل أصدق مشاعرك الخفية بحتوي

وقل متى نبني منازل للمحبة شايده

وقل متى بترك قصيد يشوي الصفحة شوي

واتفرغ لك يابو ضحكه عجيبه سايده