لا غشتك البيض يا وقتٍ امهول

ليه يا وقت الشقا تبحث خفايه

والله اني صابر والصبر طول

وخايفٍ ظلمك يلحقني مدايه

اتحرى وارتجي من عام الأول

مادريت إنك تبي تقطع رجايه

احسب ان العلم الأول ما تحول

واثق فالوقت من زايد خطايه

لين قام الهم فالصدر يتجول

كن لهمومي على صدري أولايه

والبلا كانن ساق الحظ شول

وانسدح فالدرب من يجبر عزايه

في زمان منه ضغط الدم فول

لابسله من لباس الغدر صايه

الردى غنيان والطيب يتسول

والنميمه والحسد مقصد وغايه

غاية اللي لا ثقل حمله وتول

عجز عنه وسد نقصه بالدعايه

والردي لا كاده المشراف حول

والقرم الهم على العليا حدايه

قالها اللي ما بدع بدعٍ مقوّل

ليه يا وقت الشقا تبحث خفايه