ظنيتني مثل بعض الناس

أبشرك خابت ظنونك

من فضل ربي رفعت الراس

وكملت ممشاي من دونك

ترى الكرامة جرحها له نزايف

واللي تمسه طعنة الهرج بيبوح

بيجيك يوم تعتذر لي بأسف

وبقولك خل الزعل ينفعك روح

والله لو تلبس عقود ومرجان

وتغضي بعين كن فيها الرماحي

إني عليك أبعد من النجم لابان

أو برق صيف في دجى الليل لاحي

بتشوف نفسك ترى مابيك

عن الهوى وعنك مستغني

لانيب راضخ ولا راجيك

الله ترى المفقر المغني

العام أبي ربي يقود الرجا فيك

واليوم عنك اليوم يابعد حومي

أدري تبيني بس ماعاد يمديك

أحسب مثل غيرك بنات النجومي

تبي تصبح لي الماء والهواء والشمس والمزمار

تبي تغدق علي حب الخليقة واصبح اسعدها

ياشيخ استح على دمك ترى دم الكرامة فار

كشفت المستخبي والوعود اللي تسر مدها