يا طيور الشوق وش اخبارها
وين دنياها عسى مابه زعل
وين غابت لوعتني نارها
وينها ودي اعرف اللي حصل
طالبك بالله زوري دارها
وخبريها من هوى قلب سأل
قولي اني حافظ اسرارها
ولو يطول البعد يبقا لي امل
هي حياتي ليت منهو زارها
ليتني اسعد بشوفه واحتفل
ايه احسبه هايم بزهارها
صوتها شوقي وبانفاسه نفل
انتظر موعد لقى مسيارها
ليتها هالايام تهديني وصل
ما بقى عندي سوى تذكارها
والوهم في خافقي صار ونزل
انطفت في دنيتي انوارها
في غيابه والالم عندي كمل
كيف اطيق الوقت بعد اعذارها
كيف اعيش اليوم باحساس ذبل
خبريها واسألي اخبارها
ليه ما تسأل عسى مابه زعل
