قلبي كذا ما كل شي يهزه
ياللي تحسب إنه يهزه تغليك
بالعكس بأسلوبك كذا تستفزه
تخليه ياراعي التغلي يخليك
الذل ما يدفع ضريبة معزّة
كذا كتبت نهاية الحب بيديك
للصبر بقلوب المحبين رزه
وكم مره أنسى الصبر لاحل طاريك
ياللي تسوي ثقل للي تعزه
يلزمني أكثر وضع حد لتماديك
عز اندفاعي.. قصدي الحب عزه
والله لأموت أردد: احترني أجيك
ماني فلسطيني ولا أنته بغزه
إن رحت روح ماني بميت فيك
خيره على ماقيل وأعز حزه
ما نته بمالكني عسى الله يعافيك
واللي زعل وش محرقٍ بس رزه
ياعاذلي عده يقول أنت ما ابيك
وأنا ما اقول إني حبيب منزه
بس الخطا يكبر مادام إني أغليك
